مهمّتنا إنّو نساعد الناس يتعرّفوا على الكتاب المقدّس كقصّة وحدة ومتكاملة، بتقودنا بالنهاية للقاء بيسوع.

مشروع الكتاب المقدّس هو منظّمة غير ربحيّة، مقرّها بالولايات المتّحدة الأميركيّة، وبتعتمد بتمويلها على تبرّعات الناس. نحنا مننتج موارد بتساعد الأشخاص يكتشفوا الكتاب المقدّس كقصّة وحدة متكاملة بتقود ليسوع. هدفنا نبسّط الأفكار الكتابيّة المعقّدة، ونخلّيها قريبة ومفهومة لكلّ شخص عنده رغبة يعرف أكتر عن الكتاب المقدّس. كلّ شي منقدّمه منحضّره ونحن حاطّين ببالنا الكنيسة المنتشرة بكلّ العالم. ومع إنّه الدارسين عنا جايين من تقاليد مسيحيّة مختلفة، إلا إنّن مجتمعين حول التزام واحد: يساعدوا أكبر عدد ممكن من الناس يكتشفوا القصّة المتكاملة للكتاب المقدّس.

بلّشت قصّتنا سنة ٢٠١٤، لمّا قرّر الصديقان القدامى، الدكتور تيم ماكي وجون كولينز، يجمعوا بين الدراسات الكتابيّة والسرد البصري، وينتجوا فيديوهات مجانيّة باللغة الإنكليزيّة تساعد الناس يفهموا الكتاب المقدّس. ومن وقتها، كبرت منظّمة «مشروع الكتاب المقدّس» وصارت تضمّ أكتر من ١٤٠ شخص. وبفضل دعم المتحدّثين الأصليّين وفرق العمل حول العالم، قدرنا ننتج آلاف الفيديوهات بأكتر من ٥٠ لغة ولهجة. فيكن تعرفوا أكتر عن طريقتنا بالتعامل مع الكتاب المقدّس من هون.

كلّ شي مننتجه متوفّر مجّانًا، بفضل جماعة كريمة من الداعمين متلكن.